छात्रालाई अशिष्ट म्यासेज पठाउने शिक्षक पक्राउ, विद्यालय ताेडफाेड

रौतहटको गरुडा नगरपालिका-९ स्थित माध्यमिक विद्यालय गम्हरिया श्रीपुरकी एक छात्रालाई अशिष्ट सन्देश पठाएको आरोपमा शिक्षक रविन्द्रप्रसाद साहलाई प्रहरीले पक्राउ गरेकाे छ ।

शिक्षक साहले हालै एसईई उत्तीर्ण एक छात्रालाई ‘ह्याप्पी बर्थ डे मेरी जान’ लेखेर म्यासेज पठाएकाे खुलेकाे छ । छात्राले म्यासेजबारे परिवारलाई सुनाएपछि आफन्तले विद्यालय पुगेर तोडफोड र शिक्षक साहमाथि कुटपिट गरेका छन् ।

विद्यालय तनावग्रस्त बनेपछि इलाका प्रहरी कार्यालय गरुडाबाट गएकाे प्रहरीले अश्रुग्यास हानेर स्थिति नियन्त्रणमा लिनुका साथै शिक्षक साहलाई समेत पक्राउ गरेको हाे ।

शिक्षक साहमाथि कडा कारबाही हुनुपर्ने आफन्तले माग गरेका छन् । इलाका प्रहरी कार्यालय गरुडाका इन्स्पेक्टर ओमप्रकाश यादवलाई नियन्त्रणमा लिएर अनुसन्धान अघि बढाएको बताउनुभयाे ।