बालसाहित्य समाजकाे अध्यक्षमा आचार्य निर्वाचित

नेपाल बालसाहित्य समाजको अध्यक्षमा विजयराज आचार्य निर्वाचित हुनुभएकाे छ । काठमाडौंमा शनिबार सम्पन्न निर्वाचनबाट आचार्यको अध्यक्षतामा समाजको नयाँ कार्यसमिति गठन भएको हाे ।

समाजकाे उपाध्यक्षमा विजयराज न्यौपाने, महासचिवमा डा. विष्णुबहादुर केसी, सचिवमा भानु भट्टराई, कोषाध्यक्षमा डा. सीता सुवेदी पन्थी तथा सदस्यमा समन श्रेष्ठ, क्रान्ति पाण्डे, अर्पिता शाक्य, यशोदा अधिकारी र अनिरुद्र अर्याल चुनिनुभएकाे छ ।

नयाँ कार्यसमितिका पदाधिकारीहरुलाई समाजका पूर्वअध्यक्ष प्रमोद प्रधानले बधाई र सफल कार्यकालका लागि शुभकामना दिनुभएकाे थियाे । 

नेपाली बालसाहित्य र सर्जकहरुको अभिलेखीकरण, संरक्षण र प्रवर्द्धनमा सक्रिय नेपाल बाल साहित्य समाज २०४४ असोज ८ गते स्थापना भएको हो ।