फेरिल्यान्ड बास्केटबल भोलिदेखि

फेरिल्यान्ड इन्टरनेसनल स्कुलको आयोजनामा प्रथम फेरिल्यान्ड अन्तरविद्यालय बास्केटबल प्रतियोगिता मंगलबारदेखि हुने भएको छ ।

प्रतियोगितामा विभिन्न २० विद्यालयका २४ टिमको सहभागिता रहने फेरिल्यान्डका संस्थापक प्रिन्सिपल विष्णुचन्द्र अधिकारीले जानकारी गराउनुभएकाे छ । फेरिल्यान्डका बास्केटबल प्रशिक्षक नारायण खवासका अनुसार जुनियर ब्वाइज र जुनियर गर्ल्समा समान १२–१२ टिमले लिग कम नकआउट आधारमा प्रतिस्पर्धा गर्नेछन् । 

सिनियरको तुलनामा जुनियरका प्रतियोगिता कम हुने भएकाले जुनियरलाई अवसर दिइएको प्रिन्सिपल अधिकारीले बताउनुभयाे ।

प्रतियोगिता सञ्चालन गर्न करिब ४ लाख रुपैयाँ खर्च हुने फेरिल्यान्डका निर्देशक रामप्रसाद गौतमकाे भनाइ छ । प्रतियोगिताका खेलहरु बूढानीलकण्ठ १०, बालुवाखानी, कपनस्थित आयोजककै कोर्टमा खेलाइनेछ ।